மறத்தல் பற்றிய நினைவு

தினமும் நினைக்கிறேன்
அந்த அதனை மறந்துவிட..


அந்த அதுவும் நினைக்கிறது
மறக்காமல் நினைவு படுத்திவிட..


மறத்தலுக்காய் நினைத்ததால்
நினைத்தலில் நனைந்த மறதி
ஈர ஆடை களைய
மறக்க நினைத்த அத்தனையும்
மொத்தமாய் முகம் காட்டுகின்றன..


எனதான
முயற்சிகள் மொத்தமும்
நொடிக்கு நொடி தோல்வியே..!


என் சமாதி மேலாவது
எழுதிவிடுங்கள்
"அவை எதனையும்
இவன் மறந்துவிட்டான்" என்று..!